O colectivo de profesores da Escola de Idiomas de A Coruña reclamou hoxe maior diálogo coa Xunta para poder desenvolver o seu labor de "mellor forma" e sen un "desprezo tan grande" polo seu traballo.
Así o apuntou unha das voceiros dos profesores, Susana Aldao, durante o acto de protesta que tivo lugar na cidade de A Coruña, e no que os docentes denunciaron que o Goberno autonómico "impón as cousas sen consultarnos".
Ademais, Aldao incidiu en que, a moitos dos seus compañeiros suprimíronlles horas de clases "que xa estaban no calendario"; ao tempo que, segundo ela, lles anunciaron que impartirán un curso no segundo cuatrimestre.
"Non sabemos nin a quen llo imos dar, nin qué contidos terá, nin cál será o obxectivo", comentou Aldao, quen indicou que, a calidade das clases, ten "moito que ver" coa "preparación previa".
Así mesmo, o colectivo de profesores recorda que "nunca" se "negaron a traballar", pero consideran que o seu labor debe facerse tendo en conta "as nosas opinións".
Por todo iso, nos próximos días seguirán con este tipo de protestas nas cidades de Monforte, Ferrol, Vigo ou Santiago, coa intención de que a Xunta non les "ignore". "E deixe de maltratarnos", concluíron.
