ÚLTIMA HORA
El PSOE estudia una moción de censura a Rajoy tras la sentencia de Gürtel

Abandono, un problema social e político

01.11.2015 | 01:38
Abandono, un problema social e político

Oabandono de tres gatiños ao lado dun colector do lixo en Elviña non é o caso máis grave que ten aparecido nos medios de comunicación. Nin pola crueldade nin pola sorpresa desa estampa podería achegarse a outras situacións que teñen sido documentadas e descritas en xornais, radios e incluso televisións. Con todo, a denuncia pública da Asociación Animalista Libera plantexaba un asunto de fondo: A necesidade de abrir un debate sobre cómo as administracións están a traballar contra unha lacra que tamén supón un incremento do gasto público.

O exemplo da Coruña pode ser aplicable aos centos de municipios galegos. Na nosa cidade houbo quen, perante o abandono de animais, tivo a xenial idea de sacar a concurso un servizo de recollida onde é agora a veciñanza a que financia con máis de 150.000 euros cada ano para asumir esta concesión. Pola contra o plantexamento debería ser outro e non só se debe centrar na parte final, a de capturar ao animal. Temos que traballar, e moito, na prevención e isto só se acada con dúas vías. A primeira é a sensibilización, e a segunda, e pouco prodigada, a sanción.

Entendemos que corresponde aos poderes públicos e á veciñanza tomar partido nunha loita moi desigual, xa que a normativa non se cumpre, a división de competencias entre a Xunta e os Concellos adoita ser caótica neste asunto e existen tamén moi poucas denuncias, o que envalentona a eses desgraciados que son capaces de tirar uns gatos ao lixo. Arroxalos a unha morte case segura.

Por primeira vez na súa historia o Concello cooperou cun colectivo animalista para impulsar unha campaña que falaba de adopción, esterilización, boas prácticas e convivencia. Estamos a traballar xunto co Goberno sen cortapisasnen atrancos, en poñer as bases dun modelo diferente, porque ao final o que quedará é o sufrimento dos animais mortos de frío, apaleados ou atropelados. Unha imaxe que aspiramos a mudar na Coruña e para iso precísase o apoio de todas e todos.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine