A choiva da Coruña incorpórase á danza

O festival Quincegotas organiza catorce espectáculos de danza na rúa ata o domingo

28.11.2015 | 01:12

O clima coruñés de finais de novembro non parece o máis axeitado para as actividades ao aire libre. Pero, coa filosofía de converter as fraquezas en fortalezas, o festival Quincegotas, que organiza catorce espectáculos de danza na rúa ata o domingo, busca "que a choiva sexa un elemento artístico máis", que se integre ás súas funcións e que lles serva aos bailaríns para "improvisar", segundo explica a súa coordinadora, Fani Vázquez.




O festival comezou ontes cunha actuación da compañía Entremáns e do Conservatorio Profesional de Danza na Coruña no Obelisco. Seguirán representacións breves, de entre dez e quince minutos, a cargo de once compañías españolas en espazos da zona centro como as rúas Galera e a Franxa, o campo da Leña e a praza de Vigo. Pretendeuse que o público teña "entornos naturais" desde os que ver o espectáculo, xa sexan soportais ou locais de hostelería que miren á rúa, sinala Vázquez. Tamén se quixo facer "un guiño á hostalería e as zonas comerciais".




O propósito de Quincegotas, unha iniciativa patrocinada polo Concello, é "abrir á danza un espazo urbano para transformalo co baile e coa choiva" e chegar a un público maioritario. O formato das actuacións, curtas, gratuítas e nas zonas máis populares da cidade, quere "chegar ao público que habitualmente non acude a un teatro, por costume, economía e descoñecemento".

A maioría da xente non frecuenta as representacións de danza, así que Vázquez propón que "tropece con ela mentres está paseando, de compras, tomando algo nun local". O festiva, cuxo programa pode clausurase na web do Concello, pecha clausúrase o domingo con dúas actuacións de Jordi Vilasecae de Moveo Teatro ás 17.00 horas no Obelisco.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine