"Temos que pór maior esforzo en abrirnos á sociedade"

24.01.2016 | 01:45

O Concello xa entrou na ronda de contactos iniciais de Julio Abalde desde a toma do seu cargo. Terá xuntanza axiña co Consello Social da UDC, con quen o novo reitor quere reforzar as tarefas de comunicación da institución académica coa sociedade.

-Que relación agarda ter a UDC co Concello, con quen xa tivo xuntanza?

-Queremos incrementar a colaboración entre os dous equipos en áreas de interese como medio ambiente, aí temos a preocupación pola ría do Burgo, urbanismo, cultura ou mobilidade. Temos obxectivos comúns e hai que intensificalos, como a residencia universitaria, que estará o vindeiro curso.

-E ao Consello Social que se lle transmitirá?

-Queremos colaborar moi intensamente con eles para establecer as pontes de relación da Universidade coa sociedade. É un actor fundamental para reforzar a comunicación da Universidade co seu entorno social e coas empresas, entidades sociais e institucións e para informar sobre o coñecemento que a comunidade universitaria aporta á sociedade.

-Insiste niso. É que non soubo aínda a Universidade darse a coñecer ben?

-Penso que a sociedade non foi plenamente consciente do que representa a Universidade para a área metropolitana ou para Ferrol, se cadra porque a Universidade non foi quen de explicar o que supón o seu traballo na sociedade. Temos que pór maior esforzo en ser máis permeables e abertos porque moitas veces fálase de nós por problemas e conflictos con outros e reclamacións e non polo que facemos día a día en investigación, colaboración ou actividades culturais e sociais.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine