A Deputación "libera" catro imaxes de Rosalía

Conmemora o aniversario do seu nacemento con catro novas imaxes das ilustradoras Uqui Permui, Aurora Cascudo, Aldara Prado e Paula Mayor

22.02.2016 | 15:50

A Deputación da Coruña pon en libre circulación catro novas imaxes de Rosalía de Castro creadas por catro deseñadoras con motivo do aniversario do seu nacemento, o próximo mércores 24. Unha lectura colectiva de poemas da autora conmemorará na Biblioteca Provincial o aniversario do nacemento da escritora galega máis universal.

Uqui Permui, Aurora Cascudo, Aldara Prado e Paula Mayor son as ilustradoras que crearon as catro novas imaxes de Rosalía de Castro que "libera" a Deputación da Coruña. "Son catro novas interpretacións desde catro creadoras de hoxe da que é un referente indiscutible da nosa cultura. Rosalía foi interpretada a través da poesía, da música, do teatro ou as artes plásticas e nós quixemos que catro ilustradoras deitasen a súa mirada sobre ela para que, como as grandes iconas do noso tempo, a súa imaxe se difundise nas redes de maneira exponencial", comenta a vicepresidenta e responsábel da área de Cultura, Goretti Sanmartín Rei.

Como acontece en datas sinaladas, a fachada da Deputación loce dúas faixas nas que se mostran as imaxes de Uqui Permui, Aurora Cascudo, Aldara Prado e Paula Mayor, que, por acordo coas autoras, circularán libremente polas redes sociais.

Lectura colectiva

A área de Cultura da Deputación convoca tamén para o día de nacemento da escritora, o 24 de febreiro, unha lectura pública da poesía de Rosalía de Castro que se desenvolverá na sede da Biblioteca Provincial (Rego de Auga, 37) ás 12 horas. A Biblioteca dedicaralle tamén o seu club de lectura a unha autora culta e trascendental de forte compromiso coas mulleres e as clases populares. Editará asemade unha guía de lectura sobre a súa obra.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine