Orquesta Xove da Sinfónica

"Alberto Zedda é un director do mellor que hai, para min é un honor tocar con el"

"As probas de ingreso ao Conservatorio Superior de Música paseinas xusto o día do meu aniversario, foi un gran agasallo", conta a solista Silvia Rozas Ramallal

24.03.2016 | 13:22
Silvia Rozas Ramallal.

Con só 17 anos, a flautista burelense Silvia Rozas Ramallal, gañadora, entre outros, do III Concurso de Solistas coa Banda Municipal de Música de A Coruña, será a solista da Orquesta Xove no concerto para flauta e orquesta de Carl Nielsen.

-Cando comezou o seu interese por adicarse á música?

-Pois a verdade é que dende pequena. Cando ía á escola gustábame e no meu pobo facían cursos en verán aos que eu fun un par de anos, e pedinlle aos meus pais polo meu cumple que me matricularan na Escola de Música de Burela. Empecei un pouco como hobby, e fun vendo que me gustaba.

-Hai un ano que está nesta cidade.

-Si, matriculeime o ano pasado no Conservatorio Superior de Música, e de feito fixen as probas para o ingreso o día do meu cumple. O certo é que foi un gran agasallo.

-Por que elixiu especializarse en flauta?

-Foi casualidade, coñecín a unha rapaza que tocaba a flauta e dixen: eu tamén, por que non?

-Como é o día a día para preparar un concerto coma este?

-Todas as veces que os montas tratas de facelo o mellor que podes, pero sempre é un aliciente saber que o vas facer cunha orquestra.

-Que supón para vostede o feito de tocar baixo a batuta de Alberto Zedda?

-Un honor, porque é un director do mellor que hai internacionalmente. É un privilexio.

-É sinxelo compaxinar os ensaios coa formación académica?

-Hai que facer un esforzo, ás veces pode chegar a ser un pouco duro, pero sarna con gusto non pica.

-Seguirá a súa formación musical tras concluir os seus estudos de Secundaria?

-Si, decidín seguir coa música e non contaba facer outra carreira.

-Algún centro no que lle faría especial ilusión estudar?

-Quizáis me gustaría facer un máster en Sttutgart con Davide Formisano, un flautista bestial, pero a verdade é que hai conservatorios moi interesantes por Europa adiante.

-Músicos que aos que admire.

-Davide Formisano encántame, ten un son moi puro e é moi grande e expresivo. Tamén me gusta a violinista Sarah Chang e as gravacións de chelo de Jacqueline du Pré, que son unha pasada.

-Retos por acadar.

-A verdade é que estiven un pouco ocupada e non me deu tempo de pensar moito no futuro. A cuestión é estudar a tope, e as cousas van vindo soas cando te esforzas ao máximo.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine