Mamá Cabra celebra o seu aniversario

O grupo de música infantil presenta hoxe no Fórum '15 primaveras'

21.05.2016 | 02:40
Gloria Mosquera.

Mamá Cabra, unha das agrupacións pioneiras da música infantil en galego, atópase en plena xira de celebración dos seus quince anos. O seu espectáculo 15 primaveras chegará esta tarde ao Fórum Metropolitano en dúas funcións que terán lugar ás 17.30 e ás 19.30 horas.

A música e fundadora da banda Gloria Mosquera explica que "en 15 primaveras están incluidas as cancións que mellor funcionaron e que máis pediu o público nos concertos" ao longo de todos estes anos. A peza máis conmemorativa de Mamá Cabra misturará, como é habitual, o formato musical xunto co teatral.

Ao longo dunha ducia de discos, Mamá Cabra interpretou centos de cancións para entreter e facer reflexionar aos máis pequenos, incluíndo temas que abarcan desde a boa alimentación ata o "disfrute coa poesía". As entradas para asistir ao espectáculo da banda no Fórum poden ser adquiridas por 6 euros para o público xeral e por 2 euros para menores de tres anos.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine