ESPAZOS EDUCATIVOS

Igualdade na concesión de bolsas para alumnos do rural

24.05.2016 | 01:00

O Goberno central atendeu a solicitude do conselleiro de Cultura, Educación e Ordenación Universitaria, Román Rodríguez, para cambiar a redacción do decreto de bolsas no referido ao cómputo das construcións agropecuarias nos tramos de renda. Deste xeito, a Xunta consigue que o alumnado do rural participe na convocatoria de bolsas estatais en igualdade de oportunidades. A nova redacción do decreto de bolsas establece que a suma dos "valores catastrais das construcións situadas en fincas rústicas, excluídos o da vivenda habitual da familia, non poderá superar os 42.900 euros, sendo aplicables a ditas construcións os coeficientes multiplicadores, en función do ano no que se efectuara a última revisión catastral". É dicir que, a diferenza da redacción anterior, establécese un apartado específico para as construcións situadas en fincas rústicas e, tamén a diferenza do anterior texto e como ás construcións en fincas urbanas, aplícaselles un coeficiente redutor que evita que se eleve o seu valor catastral.

En calquera caso, ademais de aplicarlles este coeficiente redutor, as familias con construcións agropecuarias -galpóns, naves e outras instalacións para gardar apeiros e animais- terán para elas, así como as demais construcións en fincas rústicas que non sexan vivenda habitual, un tramo máximo de 42.900 euros. Pola contra, coa redacción anterior do decreto, o tramo máximo tanto para estas construcións como para as fincas rústicas -chan rústico- era de 13.130 euros, tendo en conta que non se lle aplicaban criterios redutores.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine