Por un novo urbanismo

23.06.2016 | 02:06

Polas súas connotacións xudiciais os episodios relacionados co edificio Conde de Fenosa teñen a virtude de complicar todo canto teña que ver co seu futuro. É obrigado pensalo así cando as resolucións xudiciais e as declaracións provintes dende o Pazo de María Pita parece que non afectan aos culpables, aínda que poden fastidiar aos cidadáns en forma de ter que costear o cúmulo de despropósitos e irregularidades urbanísticas cometidas para beneficiar á entón intocable Fadesa. As repercusións no terreo económico non son, xa que logo, menores.

O último fallo do Tribunal Supremo é categórico: só recuperando o estado orixinal que tiña o inmoble en 1997 poderá devolverse a edificación á legalidade. É unha versión retrospectiva da longa lista de conflictos urbanísticos que os cidadáns cargamos ás costas froito do egoísmo corporativo ou a permisividade política que se envolveron na cantinela amplamente propagada da defensa da Coruña como unha cidade Estado para envidia de outras. A impotencia dunha planificación urbana desbordada polas presións inmobiliarias derivadas da orxía especulativa da época desembocaron no urbanismo irracional e maltreito que herdamos.

Fadesa incrementou o volumen de edificabilidade en 2.500 metros cadrados, circunstancia que lle reportou sabrosos dividendos extras, violando o PGOM da época, coa permisividade ou aquiescencia da Corporación municipal presidida por Francisco Vázquez. É comprensible a indignación de moitos cidadáns, que debera ser a de todos, por canto todos somos os que pagaremos as consecuencias resultantes. Mentres tanto, algúns dos responsables ascenderon ata as luxosas dependencias institucionales do Valedor do Pobo ou disfrutan o seu retiro advertindo dos perigos de non votar aos de sempre, isto é, a quenes transformaron ó cidadán en simple espectador pasivo, principalmente ós máis débiles.

Dende a lóxica e dende o entendemento común, aínda que sexan os responsables municipales os que teñan que asumir a representación da cidadanía e as responsabilidades históricas, alleas a súa xestión, non é posible polo mesmo pedir a cidadanía que se inhiba ou non participe na toma de decisións nunha cuestión que lexitimamente e de todos. Non pode vivir en paz unha cidade na que a legalidade urbanística -a súa letra e o seu espíritu- é desvirtuada, cando non vulnerada, pola propia administración municipal.

O que certamente queda simbolizado polos varapalos xudiciais é un conxunto de acontecementos que están afectando negativamente á cidade. O urbanismo demanda un cambio de comportamento no que prevaleza o interese social e o do común por riba de intereses especulativos e mercantilistas, como a venda de patrimonio público. Porque, en definitiva, é un problema que acabará afectándonos a todos.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine