Carta aberta desde a Agra do Orzán

19.07.2016 | 00:58

Diante da presenza do Goberno municipal no barrio o pasado sábado 9 de xullo dentro do programa de participación cidadá Dillo ti, como presidente da Asociación Veciñal Agra, quero expresar publicamente o seguinte:

1. Que agradezo a iniciativa de achegarse ao barrio e darlle voz aos veciños e veciñas.

2. Que tamén é motivo de alegría saber que peticións formuladas por esta asociación, o pasado mes de decembro, van ter solución por parte do Concello, segundo o manifestado polo Goberno municipal o pasado día 9 no Ágora. Tal é o caso do arranxo das rúas Páramo e Meira, da restauración do Muíño da Agramela, do arranxo do aparcadoiro do Ágora, da recuperación da Fonte do Fraile xunto coa parte do acueducto do Campo da Burra e da recuperación da Praza das Conchiñas para os veciños e veciñas.

3. Que, agradecendo todo isto, cómpre lembrar que neste noso barrio seguimos a padecer unha chea de carencias, que foron notificadas tamén no referido escrito de decembro, e que, segundo parece, seguiremos a ter que as padecer:

-Somos o barrio coa menor superficie de espazo libre e de lecer por cidadán desta cidade, de Galiza e supoño que de Europa.

-Temos un volume importantísimo de vivendas vellas e de deficiente construción que esixe programas de rehabilitación urxentes.

-Unha alta densidade da poboación do barrio é maior e necesita centros de atención especializada que lle poidan aportar dignidade e calidade de vida.

-Polo xeito de construción utilizado no seu día, non hai espazos para aparcar e esta problemática repercute directamente no desenvolvemento económico do barrio. Non se pode esquecer que o aparcadoiro do Ágora que se acaba de arranxar é provisorio por estar feito nun espazo contemplado como "zona verde" na normativa urbanística vixente. Non habería que ir pensando en aparcadoiros en altura?

-Cómpre mellorar a limpeza, a retirada de cartón e papel, a retirada de pilas, con instalación e renovación de contedores.

-Hai que revisar a ubicación das prazas de aparcadoiro para minusválidos, intentando que a baixada dos condutores sexa sempre para a zona de beirarrúa.

-Necesitamos que se recupere unha parada no barrio do bus da Universidade.

-Teríase que mellorar a frecuencia dos buses urbanos que comunican cos centros de saúde.

-Habería que substituír as papeleiras, contedores e bancos en mal estado.

-Renovar a rúa Pascual Veiga, ampliando as beirarrúas.

Neste momento, un colectivo de veciños e veciñas do barrio andan a facer un traballo de control de rúas para que en outubro, de novo, poidamos achegar ao Concello a relación de carencias que temos e reclamar, unha outra vez, a súa solución. Confiamos, polo menos, en sermos oídos.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine