Opinión

Queremos xustiza, a verdade completa

30.07.2016 | 10:37

A Deputación da Coruña e o Concello da Coruña acaban de dar resposta a unha reivindicación primordial das asociacións memorialísticas que levamos anos reclamando unha condena institucional do golpe de Estado do 36 e do franquismo. Estas cousas sempre chegan tarde, xa se sabe; mais é preciso, por respecto ás familias das vítimas ignoradas, saudar que as institucións públicas se percaten e manden a Franco e as súas bestas ao lugar da historia que lles corresponde. Non foi sen tempo.

Digo que era (e sigue sendo) unha reivindicación primordial porque sen recoñecemento dos feitos e sen sinalar aos culpables era inútil reclamar verdade, xustiza, reparación e garantías de non repetición. Chegamos até aquí, pero hai que seguir abrindo camiño.

Verdade, xustiza, reparación e garantías de non repetición resumen as recomendacións do relator da ONU, Pablo de Greiff -quen por certo visitou a Coruña e deixou unha profunda pegada na nosa comisión-. Di De Greiff no seu informe que as cousas da memoria non son asunto de política partidista ou programas políticos particulares, senón de principios e dereitos de todos.

Por iso seguimos no camiño e xa non nos conformamos con derrubar estatuas do ditador no seu cabalo. As vítimas e as familias esixen verdade: un mecanismo oficial para que se esclareza a verdade. As vítimas esixen xustiza: para empezar, que a Xustiza española colabore nos procedementos xudiciais no estranxeiro e recupere o interese polo exercicio da xurisdición universal. As vítimas esixen garantías de non repetición e lembramos con De Greiff que en España non houbo nas Forzas Armadas e nos corpos policiais unha separación dos elementos antidemocráticos; e tempo de xulgar aos culpables, a todos, tamén aos vivos.

E, por último, as vítimas esixen reparación, singularmente que se amplíe a condición de vítima e se continúe na busca dos desaparecidos.

Aí seguimos nós, do lado das vítimas. Pola memoria. Porque non chega con recuperar a historia. Queremos xustiza. Para que a verdade sexa completa.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine