ÚLTIMA HORA
El PSOE estudia una moción de censura a Rajoy tras la sentencia de Gürtel
ESPAZOS EDUCATIVOS

A Xunta e a Fundación Paideia premian a artistas noveis

02.08.2016 | 00:49

A Consellería de Cultura, Educación e Ordenación Universitaria, e maila Fundación Paideia Galiza acordaron unha colaboración conxunta para impulsar as ensinanzas profesionais e superiores de música en Galicia. Ao abeiro desta colaboración créase o Premio Extraordinario Paideia Galicia-Consellería para artistas noveis que se lle outorgará ao alumno que obteña a maior cualificación no proceso de selección convocado de acordo coas bases establecidas; así como dúas mencións de honra específicas. O obxectivo deste galardón é poñer en valor, no ámbito da música, a artistas galegos cunha traxectoria excelente que veñan de rematar os seus estudios profesionais de música nos conservatorios da comunidade. Como premio, o alumno ou alumnos seleccionados, terán dereito a gravación discográfica, mestura, edición e masterización dun CD.

A maiores, tamén se concederán varios premios a titulados de ensinanzas superiores de música na especialidade de interpretación dos conservatorios galegos. Estes galardóns consistirán en gravacións discográficas ou maquetas, ben como solistas ou ben en formacións camerísticas, e a súa posterior distribución e difusión.

A Consellería de Cultura e Educación encargarase de promover a convocatoria entre o alumnado dos conservatorios superiores de Galicia, así como a difundir a obra premiada. Pola súa banda, a Fundación Paideia Galiza encargarase de ceder as súas instalacións e a sufragar os gastos que orixine a realización das gravacións.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine