O legado cultural no Concello

28.08.2016 | 01:39

O día 21 de agosto de 2016, o señor concelleiro de Cultura de A Coruña, José Manuel Sande, describía, neste periódico, a programación festiva de María Pita. O artigo empregaba unha multiciplidade de termos e expresións como vivacidade, transversalidade, pluralidade, pacifismo, concienciación medioambiental, gratuidade, uso axeitado e pedagóxico do espazo público, participación, reinvención, innovación, versatilidade, matización, descentralización, singularidade, proxección exterior da urbe...

Interpretaba, ao meu nivel persoal, como se a cidadanía coruñesa, grazas á nova política cultural, chegara a un estadio idílico, a utopía feita realidade e a unha cidade a onde teriamos que ollar todas aquelas persoas que están e que vivimos fóra de tal territorio urbano.

Antes da chegada da actual equipo de Goberno, parecera que existía unha cidade esmorecida, sen unha programación cultural ou actividade socioeducativa para o conxunto da urbe e arredores dos seu límites.

Son os feitos e non os decires vanglariosos os que se xulgaran. O feito, ata o tempo da gobernanza actual, é algo que ten evidencias nos equipamentos, estruturas culturais, sociais, educativas e programación de toda índole que comezaron nos anos 80 do século pasado. Todo iso forma parte dos alicerces. Hai que buscar na memoria histórica, que tanto se reclama, coñecendo o sucedido nos tempos que máis se nos achegan con humildade. Houbo política, persoas que foron e que son e traballo ata chegar aquí que, sen pensar en recoñecementos, merecen consideración e que se deberan ter en conta para seguir construíndo. Eis a aprendizaxe significativa permanente.

Os que fixeron valados levantaron o que se deseñou e ergueron co material que tiñan. E ben seguro que o valo ten lombas en algures. Mais é momento, como case sempre, de apuntalar para seguir construíndo ou ter a capacidade de empregar aquelas pedras para facer novos muros consistentes e senlleiros.

O que digan os medios de comunicación a prol ou fronte do Goberno local actual, as influenzas doutras forzas vivas da cidade e os reproches dos grupos políticos diversos que conforman o pleno é problema deles e dos que non lles saen ao paso. Non xulgo pecados senón un discurso dun responsable dunha concellería que escribe á súa propia localidade e ao resto da poboación extramuros.

Remato, respectuosamente, instando a que a obriga municipal se cumpra para mellorar os puntos de debilidade antigos e superar o que ten o herdado. A cidadanía mostrará se os calificativos e expresións empregadas polo munícipe son realidade e se deu finalizado o valado que lle tocou erixir. Creo que polo camiño que está seguindo, non vai atopar moitos canteiros que lle axuden.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine