Ricardo Seixo Presidente da A.V.V. da Agra do Orzán

"Hai que ver se coa adaptación do plan xeral á sentenza non se perde máis terreo"

"Non sei se o Goberno local da Marea pediu xa a cesión da contorna do Observatorio, pero se non o fixo sería malo"

30.11.2016 | 01:20
Ricardo Seixo.

-Hai risco de que a sentenza do Supremo acabe con boa parte do parque da Agra?

-Que se vai perder gran parte do proxecto xa queda de manifesto coa sentenza e ademais que na adaptación do planeamiento á mesma que non haxa que perder máis terreo aínda. Imos presentar un escrito para vérmonos co Goberno local e estudar que posibles saídas hai e que terreos quedan de posible utilización e que se pode facer neles. Haberá que ver ademais se xa se ten solicitada a cesión da contorna do Observatorio ao Ministerio de Medio Ambiente.

-O proxecto urbanístico presentouse no 2006 pero dende entón non se deron pasos para desenvolvelo.

-Efectivamente, e non só iso, xa que nas últimas eleccións municipais o anterior alcalde, Carlos Negreira, estivera na entrada do Observatorio dicindo aos veciños que se ía tirar o muro porque xa estaba todo feito co ministerio e despois comprobamos que era todo mentira porque non había ninguna xestión feita. Non sei se o Goberno da Marea fixo esa xestión ou non, pero se non fose así sería malo porque non afecta nada ao recurso das Adoratrices. Haberá que ver tamén como se ordena a presenza do Observatorio no parque, polo que hai que definir unha serie de cousas en función da nova situación legal en que queda todo o parque. De acordo con iso, como representantes da veciñanza da Agra do Orzán, nós tamén teremos que dicir cousas, pero non quero arriscarme a dicir nada mentres non saiba como queda o tema e que camiño vai seguir o Concello.

-Saben se o resto dos propietarios de terreos no polígono do parque cederon xa os terreos ao Concello?

-Hai un convenio que figura no plan xeral e que asinou tamén Rodríguez Cebrián, o que non acabo de entender porque era para integrar os seus terreos no parque, e despois por outro lado presenta unha reclamación. Eu non entendo a xustiza deste país, porque se asinou o convenio sería con todas as consecuencias, pero semella que non e ao final os prexudicados sempre son os veciños.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine