Un importante acto da coñecida marca de viños Vega Sicilia contou cunha parte da esencia gastronómica da cidade no seu menú. Os organizadores do acto, que se celebrou recentemente nas súas adegas, optaron por encargar as empanadas para o servizo de catering ao Forno Alameda, un coñecido restaurante ubicado na rúa Alameda, en pleno centro da Coruña. Aínda que se descoñece cal foi o recheo de empanada que tivo máis éxito entre os convidados a este evento de alto nível, a escolla dos organizadores fai pensar que a maridaxe entre estes selectos caldos e as empanadas foi, como pouco, un manxar para os padais máis selectos.
