ESPAZOS EDUCATIVOS

Os 'Club da Ciencia' afrontan a súa segunda edición

15.08.2017 | 01:21

A Consellería de Cultura, Educación e Ordenación Universitaria publicou, por segundo ano consecutivo e á vista do éxito da primeira edición, unha nova convocatoria para poñer en marcha os Club de Ciencia nos centros docentes públicos que impartan ensinanzas de Educación Primaria, Secundaria Obrigatoria ou Bacharelato durante o vindeiro curso 2017/18.

A Xunta de Galicia busca estender este programa de innovación a un total de 30 centros. Cada un deles recibirá unha achega económica de 1.200 euros para desenvolver o seu proxecto. Cómpre ter en conta que no curso actual foron dez os centros que puxeron en marcha a experiencia piloto: o IES Urbano Lugrís de Malpica de Bergantiños, o CPI de Atios en Valdoviño, o IES Arcebispo Xelmírez II de Santiago, o IES de Ponteceso, o IES David Buján de Cambre, o CPI Poeta Uxío Novoneira de Folgoso do Caurel, o CEIP Illa Verde de Lugo, o IES Carlos Casares de Viana do Bolo, o CPI de Mosteiro-Meis de Meis, e o CPI Aurelio Marcelino Rey García de Cuntis.

O obxectivo desta iniciativa pasa por fomentar o espírito científico e a curiosidade do alumnado, o que favorece, en consecuencia, o traballo das áreas denominadas STEM (Ciencias, Tecnoloxía, Enxeñaría e Matemáticas), unha das prioridades da Consellería de cara aos próximos anos.

A convocatoria pode consultarse na web da Consellería no enlace http://www.edu.xunta.gal/portal/node/22454 , terá o prazo de solicitudes aberto ata o 29 de setembro.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine