ESPAZOS EDUCATIVOS

Catro novas materias para o vindeiro curso escolar

29.08.2017 | 00:41

A Consellería de Cultura, Educación e Ordenación Universitaria ampliará o paquete de materias de libre configuración autonómica que poderán ofertar os centros educativos o curso que vén. En concreto, súmanse catro novas: Identidade dixital, Consumo responsable, Valores democráticos europeos e Mobilidade escolar sostible e segura. O currículo de todas elas pódese consultar na ligazón https://www.edu.xunta.gal/portal/sites/web/files/materias_de_libre_configuracion_2017.pdf, poderán ofrecerse en primeiro ou segundo curso de Educación Secundaria Obrigatoria e terán unha carga horaria dun período lectivo semanal. O obxectivo é formar consumidores responsables, informados, conscientes, críticos e solidarios.

As catro novas materias súmanse ás xa establecidas en 2015 e 2016. No curso que remata, a Consellería puxo a disposición dos centros un total de nove materias de libre configuración autonómica na ESO, e dez na etapa de Bacharelato. En conxunto, foron un total de 1.239 centros os que as impartiron e máis de 31.000 alumnos matriculados, o que supuxo multiplicar case por 2,6 o alumnado con respecto ao curso 2015/16, onde había pouco máis de 12.000 matriculados.

Tendo en conta o éxito destes dous últimos anos, o departamento educativo da Xunta de Galicia aposta por seguir ampliando a relación destas materias, que axudan aos mozos a reforzar as competencias clave, a adquirir coñecementos transversais e a potenciar a aprendizaxe en valores.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine