Marcelino Liste: tempos de nostalxia das asociacións de veciños

10.12.2017 | 08:45
Marcelino Liste, nunha fotografía de 2003.

Os tempos nos que as asociacións de veciños influían na toma de decisións remataron xa. O movemento veciñal marcha agora por un rumbo moi distinto ao que propiciou o nacemento destas entidades de base, na segunda metade da década dos setenta, para navegar en expectante naufraxio entre o pasado e o presente.

Non hai que esquecer que na etapa da transición serviron para siglas políticas que retornaban da clandestinidade. Resulta patente que tiveron que efectuar un tortuoso itinerario a través das últimas décadas. Por un lado, deberon traballar para resituarse nun contexto sociopolítico diferente, o que produciu un certo baleiro, e por outro tiveron que aturar a indiferenza de diversos gobernos municipais que as condenaron practicamente á irrelevancia.

Mais as asociacións de veciños son esenciais para seguir representando unha posibilidade de transformación real dos barrios coruñeses. A democracia é un réxime aberto e as súas capacidades de expresión e representación non se circunscriben, en modo algún, a unha sola vía.

A existencia destas asociacións configura, xunto a outras de carácter cultural, social ou deportivo, un movemento asociativo plural e dinámico que debe ser asimilado polos gobernos municipais de turno que, en ocasións, prefiren descoñecelo porque non o controlan, aumentando así as distancias e os roxelos.

A vitoria da Marea Atlántica nas últimas eleccións municipais provocou tantas esperanzas como incertidumes para o movemento veciñal. A imaxe que deslizou na campaña electoral logrou conectar coas ilusións de múltiples e variados destinatarios: unha veciñanza literalmente estrangulada pola desaforada especulación urbanística, un tráfico exasperante, traballadores en paro, cidadáns sometidos á desoladora tiranía dun medio ambiente crecente, numerosas mulleres necesitadas dun cambio real na súa situación social e económica, pequenos comerciantes agobiados pola crise ou licenciados á búsqueda de traballo.

A cuestión de fondo, o punto central que concentra as interrogantes e as expectativas é se o tan manido cambio de cidade preconizado desde o pazo de María Pita desembocará nunha nova calidade do hábitat que engloba todas aquelas estructuras ambientais, artificiais e materiais que forman parte da vida en común e determinan as súas características.

Aínda que o seu nome pode resultar descoñecido para moitos cidadáns, quen vivimos aquela etapa non esquecemos a súa traxectoria. Marcelino Liste foi o bastión máis válido para que os barrios se organizaran a través das asociacións de veciños cun traballo incansable que lle proporcionou unha extraordinaria popularidade e respecto, mesmo por aqueles que disentían del.

A biografía de Marcelino Liste, a quen o clube de opinión Foro Cívico rende homenaxe rescatando o seu nome para promover o Premio Xustiza e Liberdade, en colaboración co Concello e coa Deputación da Coruña, reflexa que todavía hoxe, corenta anos despois, nótase a súa sombra.

Con el como primeiro presidente da federación de asociacións de veciños, estas entidades de base tiveron un papel fundamental converténdose en activas impulsoras do cambio que experimentou a cidade, principalmente no que se refire a equipamentos sociais.

Penso que é unha boa ocasión para meditar sobre o futuro das asociacións de veciños e do tecido asociativo, en xeral. Un bo momento para pedir ao Goberno municipal que teña tamén o seu momento de reflexión respecto ao feito de se substituír ás entidades consolidadas polo Dillo Tí non será unha forma de axigantar o foso entre a institución municipal e o movemento veciñal, correndo o perigo de reproducir as lacras do escepticismo dunha parte da sociedade diante da clase política.

Ese debate é hoxe máis necesario que nunca para revitalizar un movemento que aínda que se inscriba nas tradicións de axitación social da transición é preciso reclamar que non se volvan exclusivamente posibilistas e que o concepto de reivindicación siga a ser un dos sinais de identidade.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine