17 de mayo de 2018
17.05.2018

Guía para festexar o Día das Letras

Espazos culturais de toda a cidade renden homenaxe hoxe á escritora María Victoria Moreno, cun programa no que destacará a lectura pública da súa obra no Pazo de María Pita

17.05.2018 | 11:15

En resumo...

  • 11.30 horas. A libraría Azeta organiza o obradoiro ‘Matematízate’ para nenos a partir de 6 anos. O acto estará acompañado da música do grupo Xebre da Asociación de Veciños Oza Gaiteira Os Castros.
  • 12.00 horas. Lectura pública da obra de María Victoria Moreno desde o balcón do Pazo Municipal. O acto trasladarase ao Salón de Plenos se non se dan boas condicións meteorolóxicas.
  • 12.00 horas. Ata as 14.00 horas, celébranse na rotonda dos Castros (fronte a Iglesia do Carmen) os obradoiros de arte postal e encadernación ‘TocaMadera’ e ‘tallerdepolo’. As iniciativas—gratuítas— estarán dirixidas a todos os públicos, e permanecerán abertas ata esgotar o material.
  • 20.00 horas. O grupo de teatro María Casares lee no Sporting Club Casino a peza de Moreno ‘Can branco, can negro’. A lectura estará seguida por unha función de ballet , ‘Bainga’, e o concerto da Coral Polifónica do centro.
  • 20.00 horas. O Premio Nacional de Literatura Dramática Manolo Lourenzo imparte unha charla sobre interpretación e letras na Sala Gurugú logo da representación do seu espectáculo ‘O palco e as lúas’, da man de Elsinor Teatro.

As verbas de María Victoria Moreno volven sonar hoxe na cidade con motivo do Día das Letras Galegas. O festexo, dedicado este ano á mestra e escritora polo seu fondo compromiso co galego na súa labor docente e literaria, contará ao longo da xornada con lecturas públicas dalgunhas das súas obras, así como cun amplo programa de actividades dirixido á xente miúda. Contacontos, concertos didácticos e representacións teatrais farán as delicias dos máis pequenos, nunha celebración que se estenderá a espazos como o Sporting Club Casino, as librarías e o Pazo Municipal.

Precisamente en María Pita é onde terá lugar o acto central da xornada. Por terceiro ano consecutivo, realizarase desde o balcón unha lectura colectiva da obra de Moreno (12.00 horas), na que poderá participar de xeito activo a cidadanía. Can branco, can negro, outro dos contos da autora, terá o seu oco tamén no Sporting Club Casino, que ofrecerá desde as 20.00 horas charlas, unha función de ballet, e un concerto da súa Coral Polifónica.

Os nenos e nenas da cidade gozarán dun programa incluso máis amplo. Este ano, as librerías apostarán polo público infantil con todo tipo de actividades, que comezarán ás 11.30 horas en Azeta cun obradoiro con música de Xebre. Tamén manualidades será a proposta da libraría Suévia para realizar mañá o seu festexo, no que ofrecerá ademais contacontos e concertos didácticos ata o sábado.

Ás 18.00 horas do venres, o actor Pedro Brandariz visitará A Carapuchiña Feroz para narrar a historia de O cataventos. Un pouco máis tarde hoxe, ás 20.00 horas, o grupo Elsinor Teatro subirase ao escenario da Sala Gurugú para representar O palco e as lúas, un espectáculo do Premio Nacional de Literatura Dramática Manolo Lourenzo, que falará cos asistentes sobre o mundo das táboas. O sábado, a interpretación seguirá en Sueños de Papel con Trinke Trinke Teatro, e con contacontos, xogos e actuacións musicais en El Faro de los Tres Mundos, A Carapuchiña e a libraría Cascanueces.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine