17 de mayo de 2018
17.05.2018

O Concello aproba o cambio urbanístico para ampliar o comedor do Ramón de la Sagra

A extensión da instalación ocupará parte da parcela do colexio que está sen edificar

17.05.2018 | 01:16

A reunión que celebrará mañá a Xunta de Goberno Local aprobará de forma inicial o estudo de detalle para a ordenación de volumes no colexio Ramón de la Sagra. Este trámite é imprescindible para facer posible o proxecto municipal de ampliación do comedor do centro, actuación que se levará a cabo aínda que non é competencia do Concello.

A extensión do comedor será construída nunha parte da parcela do colexio que está sen edificar. A concellería de Rexeneración Urbana recibiu a mediados de febreiro a solicitude da redacción do proxecto de reforma do comedor por parte do departamento municipal de Xustiza Social, para o que é preciso o estudo sobre a ordenación de volumes que se aprobará mañá.

O Concello reparou o ano pasado a zona de xogos infantís deste colexio, que sufrira danos polas obras realizadas pola Consellería de Educación para a substitución da cuberta do edificio, que fora construída con amianto.

O pleno municipal acordou ademais o mes pasado a aprobación definitiva do estudo de detalle da parcela do colexio San Francisco Xavier, co que será posible a instalación dunha cuberta para o patio. O proxecto tiña a dificultade do paso do río de Monelos polo subsolo do recinto do centro educativo, xa que o cauce discorre próximo ao lugar do patio onde está prevista a construción da cuberta.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine