Confrontación

.

EMILIO SALORIO. Os últimos acontecementos na política eumesa amosan unha clara estratexia de confrontación ca Xunta de Galicia por parte do Goberno local, que se concreta na férrea oposición á construción da galescola -inversión comprometida por parte da Vicepresidencia da Xunta-, deixando aos eumeses sin unha instalación importante e tan necesaria para aumentar a oferta da escolarización de 0 a 3 anos; a oposición a que se cumpra a normativa lingüística na gardería infantil, incumprindo os decretos da Consellería; e o que é mais escandaloso, opóndose a unha inversión inmediata de tres millóns de euros para a remodelación da fachada marítima.

Ante a demanda dalgunha iniciativa política sacáronse da manga o recheo, agora a plataforma (de risa), sen contar con ninguén, nin cos colectivos afectados. Este tema xa estaba plantexado polos gobernos locais anteriores, pero dende unha posición constructiva e non de confrontación, sempre suxeta aos informes técnicos competentes, recibindo a negativa, en base a estes, por parte de Portos de Galicia cando o rexía o Partido Popular e agora tamén, co actual bipartito.

O tema dos aparcadoiros en Pontedeume non se pode solucionar dende as ocurrencias: agora foi o recheo e mesmo podería ser o derrube dos almacéns de Raxoi, ou desfacerse dos xardíns de Lombardero, etc. Os aparcamentos só poden ter solución no marco do Plan Xeral de Ordenación Municipal (PXOM), que compre retomar xa. Non hai ningunha iniciativa neste tema a pesares de ter o informe da Xunta dende hai catro meses.

Estas actitudes obedecen a que se atopan fortes, pois contan co apoio e a sumisión a esta política de confrontación dos seus amigos do Círculo de Opinión Eumés (COE), xa que este matrimonio non se divorciou nunca e haberá novos intentos de entendemento, mesmo coas adicacións exclusivas.

Os ideólogos da dereita equivócanse: o camiño da confrontación non traerá nada bo para os intereses dos eumeses, só valerá como cortina de fume para ocultar a súa ineficacia.



Emilio Salorio es ex concejal del BNG en el Concello

de Pontedeume