A pé de rúa

Un futbolista que había tempo que non vía

23.08.2015 | 01:28
Un futbolista que había tempo que non vía

Marchei onte de Riazor con moita satisfacción. Será, como me dixo alguén, tamén onte, que me conformo con pouco. Ou será porque as sensacións forman parte da miña vida. Non a chegan dirixir, xa non, pero case. Pero ademais do que eu xa pensaba, sorrín o escoitar a moita xente na saída de Riazor. As súas palabras concordaban co que eu mesmo me dicía. Será porque levaba moito tempo, moito, sen ver un Deportivo feito unha equipa; un Deportivo, con mando no campo; un Deportivo sen medo e con protagonismo; un Deportivo sabendo ao que xoga. En definitiva, un Deportivo con seguridade e con personalidade. Marchei a gusto, teño que dicilo, malia o empate. Sobre todo porque ollei un futbolista que levaba moito tempo sen ver coa camisola branquiazul, falo de Pedro Mosquera. Xa leva o 5 por algo. Tipo sudamericano. Porque se amosa como un auténtico 5. Levaba moito tempo desexando ver un centrocampista, alén de que estea no medio ou nun interior, que quixese o balón como el o quere; que buscase o balón como el o busca; que tocase de primeiras; que aguantase; que desprazase? unha marabilla. E por riba, como bo 5, manda na súa parcela tamén cando hai que defender. Non todo é Mosquera, claro que non, pero saber que hai no eixo da medular un futbolista que controla todas as facetas deste xogo, é un valor importantísimo para una equipa que, como o Deportivo, ten o obxectivo da permanencia. Con Mosquera e todos os demais, que hai moito nivel, eu comezo con moita ilusión.

Compartir en Twitter
Compartir en Facebook
[an error occurred while processing this directive] [an error occurred while processing this directive]

Buscador de deportes

Fútbol

  • LaLiga Santander
  • LaLiga 1|2|3
  • 2ª división B
  • 3ª división
Enlaces recomendados: Premios Cine