A pé de rúa

A primeira grande fichaxe

04.02.2016 | 15:12
A primeira grande fichaxe

Ao final non chegou ninguén neste mercado de inverno, malia que non era de todo seguro que non houbese unha sorpresa. Así confirmouse o que dalgún xeito viñan dicindo desde o club, que nesta época é moi complicado atopar futbolistas que axuden e, sobre todo, cos que se poida contar no futuro. Lembraba alguén non hai moito que o de Celso Borges fora unha excepción, mesmo o de Oriol Riera, que non ten tanta presenza como o tico (tiña, porque Borges tivo unha doenza importante). O Deportivo so quere fichar para medrar, esa é a frase que empregan na praza de Pontevedra. Semella que é unha boa decisión, non hai máis que ver os futbolistas que chegaron no verán, que terá que verse ratificada nas operacións que poda facer para reforzar o equipo, nas que eu confío porque Richard Barral ofrece topo tipo de garantía, mesmo para apartar pedras que xorden no camiño de forma sorprendente, ou non. Para comezar, o primeiro reforzo xa chegou a falla da sinatura: Pedro Mosquera. O centrocampista tiña case os dous pés lonxe de Riazor -zafou de estar onte no Camp Nou- e se convirte en futbolista do Deportivo case de por vida pois cando remate o contrato, en 2021, terá xa 33 anos. Xa é bandeira do deportivismo. A el unirase pronto Lucas, malia que nas súas intervencións sempre é máis ambiguo. "Esta é a miña casa", pero o mesmo tempo salienta que "se me ten que vender para que o clube se sanee, pois ben, pero ten que ser unha moi boa oferta para os dous". Si, pero. É a forma de ser do atacante, que xa amosou dabondo o seu compromiso coa entidade, o pasado ano e este. Coa continuidade destes dous estandartes está dado un paso adiante sobranceiro para facer un equipo que faga soñar, os que veñan detrás serán do mesmo nivel.

Compartir en Twitter
Compartir en Facebook

Buscador de deportes

Información patrocinada
Enlaces recomendados: Premios Cine