A pé de rúa

Supervivencia e opulencia

17.06.2017 | 01:01
Supervivencia e opulencia

Hai 25 anos baixaba eu dun taxi aló pola avenida das Palmeras, onde está o campo do Betis, o que primeiro que ouvín foi: "¡El que no quiera al Betis es que no quiere a su madre!". Estiven a piques, xunto cos compañeiros cos que ía, de volver montar no taxi e dicirlle que non parase ata chegar a A Coruña. Xa tiña visto cousas neses anos nos que eu era aínda medio mozo, pero nunca tal vira. Toda a orquestración de Ruiz de Lopera, daquela dono e presidente do clube verdibranco, estaba a funcionar a tope; só quedaba saber se tamén chegaba ao campo; mais non. Nun partido duro, cheo de trampas, o árbitro soubo estar. Foi unha das chaces para que o Deportivo puidese manter o empate sen goles e acadar a permanencia na Primeira División. Si, ese día do que resoa a frase de Arsenio: "Hai Martín, cantos sufrimos". Esa frase xunguida á imaxe do técnico de Arteixo nunha fonda aperta con Lasarte, naquela hora capitán, a agora adestrador do Nacional de Montevideo. Hai hoxe 25 anos tiven a oportunidade de vivir un momento histórico do Deportivo. Agora desde a distancia que me dan os anos, moito máis que as grandes proezas que acadou con posterioridade. Si, porque é marabilloso vivir na opulencia, pero mellor é vivir. E sen aquel resultado positivo non chegaría todo o demais. Pero tamén hai outras datas que permitiron que se chegase a ese 17 de xuño de 1992. As do 9 de xuño do 1991 (ascenso perante o Murcia) e, que para min é máis salientábel, o 22 de maio do 1988 (gol de Vicente). Sen ese gol si que non habería nada do que houbo nin do que hai. Supervivencia, iso foi o que tocou nos anos setenta e oitenta. Un, afeito de cativo a ver o equipo en Primeira e en Segunda, comeu un bo ... golpe cando o descenso a Terceira -tamén o de Segunda B no 80, pero como nese momento tamén caera o Celta doía menos-. Daquela, nos setenta, un soñaba con ser coma Beci, Loureda, Manolete, eses coruñeses do Dépor. Despois abondou con sobrevivir, que non foi pouco.

Compartir en Twitter
Compartir en Facebook

Buscador de deportes

Información patrocinada
Enlaces recomendados: Premios Cine