Unha posición desigual no mercado laboral

17.12.2017 | 09:45
Unha posición desigual no mercado laboral

As mulleres incorpóranse de forma importante ao mercado laboral nos anos oitenta do século pasado e fano cun sistema produtivo claramente masculinizado, dominado por grandes empresas industriais, condicións de traballo estables e case sen presenza feminina. Neste momento acontecen dous cambios de grande transcendencia: dun lado, a instauración das modalidades de contratación temporal; do outro, o desenvolvemento do Estado autonómico e do conxunto das administracións públicas.

Polo tanto, cando as mulleres se incorporan ao mercado, xa non prevalece o contrato indefinido. Ademais, crecen de xeito exponencial as actividades do sector servizos, en boa parte ligadas á atención ás persoas (que reproducen os roles que a nosa tradición cultural asignou e aínda asigna ás mulleres). Neste mundo laboral, a maternidade non se considera unha contribución social, senón unha función case exclusiva das mulleres que dificulta o seu acceso ao emprego e as súas posibilidades de promoción profesional.

As traxectorias laborais femininas adoitan maiormente descontinuas por factores como a maior presenza das mulleres no emprego temporal ou a tempo parcial non desexado, ou polo maior peso en sectores e ocupacións onde as oportunidades de formación e desenvolvemento son limitadas e os salarios son menores. Tampouco podemos esquecer que o salario adoita medrar coa antigüidade e a experiencia, pero máis no caso dos homes, xa que as súas vidas laborais teñen a continuidade que botamos en falta no caso feminino.

Todo isto ten unha consecuencia: os salarios das mulleres son menores que os dos homes. Dito doutro xeito: hai unha fenda entre os salarios de homes e mulleres.

Tras a reforma laboral, e por culpa das políticas aplicadas coa escusa da crise, esta fenda non fixo mais que medrar e está a provocar que a precariedade e a pobreza teñan rostro de muller.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


David Galán, responderá a los lectores de LA OPINIÓN A CORUÑA sobre todo lo relativo a los mercados financieros y la Bolsa. David Galán es director de Renta Variable en Bolsa General y director del programa de Análisis Bursátil de la Escuela de Finanzas, colaborador de XTB, mayor bróker ´online´ de Europa.

Enlaces recomendados: Premios Cine