Feijóo garante o seu apoio a calquera ´oferta viable´ para a planta de Pascual

REDACCIÓN | SANTIAGO Os traballadores da planta de Leche Pascual en Outeiro de Rei trasladaron onte as súas protestas ao auditorio no que se celebraba o XV Congreso provincial do PP de Lugo.Tras atoparse frente a frente con medio cento de traballadores que esixían unha solución para a planta que garanta os postos de traballo dos seus 150 empregados, o presidente da Xunta, Alberto Núñez Feijóo, afirmou que a Administración galega é a principal interesada en buscar unha "solución" para a factoría de Outeiro de Rei. "Calquera oferta viable que manteña o traballo vai a ser impulsada e apoiada pola Xunta. Movementos que non teñan viabilidade é enganar aos traballadores e eu non vou enganar aos traballadores", sentenciou Feijóo.

Os 150 traballadores da planta lucense de Pascual están sometidos nestes momentos a un expediente de regulación de emprego (ERE) temporal, que expira o próximo 4 de dicembro. A Xunta estuda as dúas únicas ofertas presentadas (unha liderada por Nueva Rumasa e a outra por Feiraco) para manter a actividade na factoría.