REDACCIÓN | SANTIAGO
A Consellería de Medio Rural ordenou onte a transferencia de 55,7 millóns de euros en concepto de anticipo das axudas directas da Política Agraria Común correspondentes ao ano 2009. Este adianto, unha das medidas estrela anunciadas pola Xunta no mes de maio dentro do seu plan de choque para axudar ao sector lácteo, beneficiará a un total de 55.232 productores agrícolas.
Según informou o departamento de Samuel Juárez, esta cantidade corresponde ao 70% do importe total das axudas, relativas ao pago único desligado da producción no caso de 33.221 solicitantes; ao pago por superficies de cultivos herbáceos para outros 19.906 agricultores; e ás primas de ovino a 2.105 gandeiros que as solicitaron entre o 1 de febreiro e o 30 de abril de 2009. O 30% restante poderá cobralo, xunto con outras axudas que non son obxecto deste anticipo, a partir do 1 de diciembre e antes do 30 de xuño de 2010.
Estes anticipos, autorizados pola Comisión Europea en 2006, pretenden que os productores podan facer frente "ás graves dificultades financieiras" derivadas da crise económica.
.jpg)
