Fontenla:`Vén a época máis fría da economía´

O presidente da Confederación de Empresarios de Galicia (CEG), Antonio Fontenla, sinalou que a comunidade rexistra uns cinco puntos menos de taxa de paro que España

EUROPA PRESS O presidente da Confederación de Empresarios de Galicia (CEG), Antonio Fontenla, expresou hoxe a súa "tremenda preocupación" por que haxa 8.500 persoas máis sen emprego na comunidade ao asegurar que "vén a época máis fría da economía".

A preguntas dos xornalistas tras a presentación dunha campaña sobre prevención de riscos laborais promovida por Cepyme, o responsable da patronal galega sinalou, non obstante, que a taxa de desemprego de Galicia mantén unha "diferenza importante" respecto á media do conxunto do Estado.

Neste sentido, recordou que a comunidade galega rexistra uns "cinco puntos menos de taxa de paro que España e, por iso, considerou "lóxico" que se experimenten máis incrementos na comunidade que en outras con ratios máis elevadas.

Así mesmo, atribuíu o incremento do número de parados á redución das obras impulsadas a través do Plan E, que estimularon o emprego na construción. Fontenla recordou que os axentes sociais e económicos xa advertiran desta cuestión.