A cifra de galegos que reciben axudas por ancianidade representa o 50,55% do total de españois que reciben esta prestación e que ascenden a 42.159.

EUROPA PRESS Un total de 21.310 galegos residentes no exterior reciben a prestación por ancianidade e outros 321 perciben axudas como 'Nenos da Guerra', segundo datos correspondentes ao terceiro trimestre deste ano.

No primeiro caso, a cifra de galegos que reciben axudas por ancianidade representa o 50,55% do total de españois que reciben esta prestación e que ascenden a 42.159.

En canto ás axudas de ancianidade, Andalucía sitúase a continuación de Galicia (con 3.939 axudas); seguida de Asturias (2.951); Canarias (4.442); Castilla y León (3.032); Cataluña (1.266); Comunidade Valenciana (675); Madrid (751); e País Vasco (599).

Moi por debaixo colócase Cantabria (con 387 persoas beneficiadas); Castilla La Mancha (279); Extremadura (230); Murcia (272); Navarra (336); La Rioja (248); Aragón (340); Baleares (77) e ás de Ceuta (13) e Melilla (19).

As comunidades con máis beneficiarios polas axudas a 'Nenos da Guerra' son, ademais de Galicia (con 321), Cataluña (463); Madrid (258); País Vasco (310); Asturias (242), Andalucía (121); e Aragón (92). O resto, 134, corresponde a outros beneficiarios.

Por outra banda, Cantabria supera en beneficiarios (86) a Castilla La Mancha (22); Castilla e León (64); Comunidade Valenciana (66); Extremadura (11); Murcia (19); Navarra (17); A Rioja (7); Baleares (3); e Canarias (15), ademais de Ceuta (3) e Melilla (1).