Personaxes populares axudarán a promocionar o Xacobeo en 2010

J. PÉREZ | SANTIAGO Desde os primeiros compases da organización do inmediato Xacobeo, tanto a Consellería de Cultura como o xerente da sociedade recoñeceron que a popularidade do Camiño e das peregrinacións había que engadirlle un plus de marketing. De publicidade. E ese é o obxectivo do plan estratéxico de comunicación e relacións públicas que a Xunta vai contratar cun orzamento de 638.000 euros. Todas as medidas que contempla están destinadas a atraer visitantes de fóra de Galicia, co "interese prioritario" posto en Madrid, Cataluña, Castilla-León, Comunidad Valenciana, Andalucía, País Vasco e Extremadura e con, entre outras fórmulas, a "movilización" de "líderes de opinión" que aporten "imaxe e repercusión mediática".

Na práctica, según recoñecen as cláusulas do propio contrato, a empresa que se adxudique o servicio vai funcionar como "unha extensión" do departamento de comunicación que ten xa el Xacobeo 2010, pero de Galicia para fóra, no resto de comunidades e "naqueles países extranxeiros que se consideren prioritarios". A xerencia lembra que pese a que se trata dunha "celebración intimamente vinculada á fé e a tradición católica", como "todo o relacionado co Camiño de Santiago", tanto o seu significado como a súa proxección "trascende dunha confesión concreta" e trátase dun "referente cultural, histórico, sociolóxico, vital, natural e humano con traducións para xentes de orixes e crenzas diversas".

Por iso o plan obriga a que a estratexia de comunicación o recolla e potencie "co máximo respecto á diversidade", aínda que sen "perder de vista a anclaxe histórica fundamental do Camiño na tradición cristiana e europea". O mercado a buscar pasa, segundo as condicións do contrato, por esforzarse entre os peregrinos e os visitantes en xeral -"mozos de 18 a 35 anos, familias, adultos de máis de 50 anos, parellas sen fillos no fogar e xubilados con espírito xove"- e como targets secundarios, todos aqueles que se movan por un sentido relixioso, espiritual, ecolóxico, cultural ou por pracer, "interesados pola gastronomía, restauración e a calidade de vida dos galegos".