´A Fiscalía levará a súa tese sobre o ´Prestige´ ao Supremo´

R. PRIETO | A CORUÑA –Sete anos despois da maior catástrofe ecolóxica de Galicia, comezará o xuízo polo accidente do Prestige. A Audiencia da Coruña botou por terra o auto da xuíz de Corcubión ao imputar a López Sors. A Fiscalía acusará ao ex director de Marina Mercante?
–A posición da Fiscalía está xa meditada pero non quero manifestala hasta que se produza o escrito de acusación. O que si podo decir é que é unha posición meditada e está fundamentada nun coñecemento absolutamente detallado, folio a folio, do procedemento xudicial. Moi poucos coñecen tan ben os detalles do proceso xudicial como o fiscal de Medio Ambiente. A tese acusatoria que sosterá a Fiscalía parte precisamente dese coñecemento. A nosa tese, se fora menester, levariamola ao Supremo.
–En definitiva, pediranse ou non responsabilides ao Estado?
–Eso dependerá de se se acusa ou non a este funcionario do Estado. En todo caso, insisto, é unha posición moi estudiada. Coñecemos moi ben o asunto; incluso sabemos as matizacións que poden facer os peritos. Moitos falan destas posicións a través da lectura dos informes periciais. Pero ás veces estes informes son fríos. Vai ser moi interesante escoitar e confrontar aos peritos no xuízo e que estes poidan matizar os puntos de vista que xa foron expostos por escrito.
–Que cabe esperar deste xuízo, no que os afectados xa foron indemnizado?
–Unha vez que houbo moitas personas que cobraron, esto contribuirá a que se retiren do procedemento. O fundamental é saber, en relación co resarcimento dos danos, quen resulte condenado. Se o Estado español fora condenado tería que facer fronte e senón a compañía aseguradora do barco. A Fiscalía nese sentido pedirá responsabilidades penais pero tamén civís a quen considera que foi o determinante da contaminación.