Homenaxe a Pondal no 175º aniversario do seu nacemento

M. C. S. PONTECESO Alumnos de Bacharelato do instituto Eduardo Pondal celebraron onte o 175º aniversario do nacemento do poeta pontecesán. A homenaxe incluíu unha ofrenda floral diante do monolito pondaliano -onde recitaron o himno galego ao son da gaita-, unha solta de pombas e o repenique das campás da igrexa parroquial de San Tirso de Cospindo para lembrar ao bardo bergantiñán. Xa a carón da casa do escritor, recitaron o poema que leva por título Eu nacín na pequena Ponteceso.