Culleredo mellorará a eficiencia enerxética na parroquia de Castelo mediante unha obra coa que se instalarán dous centros de mando en Xalo e Aldea de Arriba para establecer un control sobre o acendido da iluminación pública. Os puntos estaban até agora dirixidos por fotocélulas que, segundo o Concello, impedían o control do fluxo eléctrico e incrementaban o consumo.
Con este proxecto, de case 65.000 euros de orzamento, tamén se cambiarán os puntos de luz de vapor de mercurio máis antigos, polo que se estima que o aforro será dun 25%.
