A Asociación Animalista Libera solicitou ao Concello de Oleiros que teña "máis sensibilidade coa tenza de animais domésticos", despois de coñecer, como informou este xornal, que prohibiu levar cans a un pequeno xardín xunto á praza de Liáns en Santa Cruz, onde durante 25 anos pasearon sen problemas, o que deu orixe a que os veciños empezasen a recoller firmas para quitar o sinal que impide a presencia de mascotas.
Libera recomendou ao Concello que habilite "unha zona de esparcemento específica para animais", xa que é o municipio con máis cans e non ten ninguna destas áreas.
A entidade prantexa que o Executivo faga un proxecto piloto para "empregar prazas e parques baixo uns criterios de horario e cunhas regras claras e concisas sobre boas prácticas, limpeza e convivencia social".
No propio entorno de Santa Cruz xa xurdiron tamén ideas para cubrir esta falta de espacios creados especialmente para os cans. Un veciño desta localidade está a redactar un proxecto que presentará no Concello para construír un parque deportivo para estes animais,
Este parque serviría para que os veciños puidesen realizar actividades deportivas caninas na compañía dos seus donos. Este mozo apunta incluso que como zona ideal para ubicar este parque deportivo sería outro espacio deportivo, concretamente a parcela anexa ao parque ao que non poden ir os cans agora, que no plan xeral figura como de uso deportivo e que en realidade usan uns veciños para prantar repolos e tomates.
