Ana Justo Técnico do Museo dos Oleiros José María Kaydeda | OLEIROS

"Un grupo de 25 vietnamitas visitou o mes pasado o museo e quedaron abraiados"

"Estamos traballando no proxecto para entrar na Rede Galega de Museos e facendo inventario hai máis de 6.000 pezas"

03.08.2017 | 13:05
Ana Justo, onte en Alfaroleiros.

A museóloga Ana Justo é o pilar que lle faltaba ao Museo dos Oleiros para iniciar o seu despegue. Moi preparada, culta e chea de paixón polo seu traballo, Justo foi contratada o pasado novembro para ordear, inventariar, documentar e xestionar este espacio artístico que ten unha singular colección de pezas. Ela encárgase tamén de facer o proxecto museístico para que o centro entre na Rede Galega da Xunta, o que lle daría o pulo definitivo.

- Cantas pezas ten o Museo Kaydeda de Oleiros?

-Ainda non rematei o inventario pero calculo que serán máis de 6.000.

- A pesar de levar dúas décadas e ter tantas pezas, quizais aínda segue a ser descoñecido.

-Sí, non é suficientemente coñecido, só polo público especializado e no ámbito da olería, por eso queremos que entre na Rede de Museos de Galicia. Estamos traballando niso. A Xunta pide redactar unha folla de ruta, cómo vas diseñar a mostra, cómo a vas difundir... O público cré que os dos museos só colocamos pezas pero facemos traballo documental, de investigación, difusión. O mes pasado veu un grupo de 25 vietnamitas e quedaron abraiados. A maioría de visitas son familias e persoas entre 45 e 65 anos.

- Qué suporía entrar na Rede Galega de Museos?

-Ademais de optar a subvencións, moita maior difusión e polo tanto máis visitas. Tamén entrar nunha base de datos, e investigadores de todo o mundo poderían ver as pezas que temos. Tamén poderíamos ter bolseiros, formar xente na museoloxía. Coido que para mediados do ano que ven estemos na rede.

- Qué características ten este museo?

-É moi versátil, temos dende pezas antigas que foron recopilando Kaydeda e a súa dona durante anos e que despois donaron ao museo, a outras moi novas, xa que o museo se vai nutrindo coas doazóns dos artesáns de Alfaroleiros cada ano. Kaydeda tamén tiña unha pequena colección de pezas precolombinas, das culturas moche e inca, e incluso tamén, debido á súa afición ao ocultismo, curiosidades como dúas cabezas de xíbaro e pezas relacionadas co vudú. Hay que ter en contar que a olería vai dende o máis antigo ao futuro, dende o Neolítico ata hoxe en que os transbordadores espaciais usan baldosas de cerámica para protexerse cando fan a reentrada na Terra. E os artesáns manteñen a tradición pero tamén innovan.

- O alcalde xa anunciou que se trasladará o museo ao castelo.

-Sí, tamén a mediados do ano que ven pensamos que esté. Estou preparando un cronograma de traslado das pezas, co seu embalado, e completando o inventario e facendo o proxecto museístico. Vai ser unha mostra temática, máis didáctica, e non por alfares como está en As Torres. Pero aí deixaremos un espazo para almacén. Co traslado creo que aumentarán as visitas, terá máis visibilidade. Ao mesmo tempo tamén potenciaremos o museo doutros xeitos, ofertando cursos aos colexios e outras iniciativas.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine