A Praza da Liberdade de Nós acolleu onte a homenaxe a dous guerrilleiros antifranquistas de Oleiros: Carmen Temprano Salorio, A Moza; e Xosé María Castelo Mosquera, Casteliño. O acto, organizado polo BNG para conmemorar o Día da Galiza Mártir, reivindicou a esta parella que formou parte da IV Agrupación Guerrilleira e morreu en combate en 1949 tras sucesivos cercos e fuxidas. A intervención política central correu a cargo do diputado Luís Bará. O acto contou coas actuacións de Miro Casabella e As Baracollas.