17 de mayo de 2018
17.05.2018

Unha parella ferida ao chocar coa moto contra o quitamedos na Costa do Sal

O sinistro ocorreu na N-VI en Coirós, preto de onde perdeu a vida un motorista hai dúas semanas

17.05.2018 | 18:57

Unha parella sufriu feridas de diversa consideración a primeira hora desta tarde ao chocar coa motocicleta na que viaxaban contra o quitamedos na Nacional VI á altura do concello de Coirós.

O sinistro ocorreu sobre as 15.40 horas no kilómetro 561 da N-VI cando por circunstancias aínda descoñecidas os ocupantes da moto saíron da vía e colidiron contra o gardarraíl da beira da estrada. Sufriron diversas contusións e foron trasladados, conscientes, ao Punto de Atención Continuada (PAC) de Betanzos por ambulancias do 061.

Un conductor foi quen alertou a Emerxencias 112 Galicia do accidente. Ao lugar acudiron varias patrullas da Garda Civil de Tráfico e tamén foron avisados os bombeiros do parque comarcal de Betanzos. O pasado domingo día 6 ocorreu outro accidente de moto, éste mortal, moi preto do que aconteceu hoxe, no kilómetro 560, tamén na N-VI na Costa do Sal, pero dentro xa do termo municipal de Aranga.

Neste caso o conductor, un rapaz coruñés de 25 anos, único ocupante da motocicleta, faleceu despois de saírse da calzada e irse contra uns sinalis de tráfico. Os médicos do helicóptero que se achegou ao lugar non puideron facer nada por el. Este accidente ocorreu un domingo, festivo igual ca o de hoxe, e a hora tamén semellante: no caso de Coirós pouco antes das catro e no caso de Aranga, sobre as cinco e media.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine