Desvelado pola luz

Que deitan no verao

As chorimas

XOÁN ABELEIRA E os breixos

Río Lor

Rea de notas

Pingando

Do trobo doce

Do vento...

Se meto as mans

Onda ti

Se meto os pés

Canda ti

E me esquezo

En qué lugar da nenez

Que endexamais tiven

Sairei

Con qué segredo

Na boca

Con qué misterio

Nos beizos?

Río Lor

Río raposo

Río cuco

Río troita

Lenzo

De tódalas facianas

Que se albiscaron en ti

Devaladas polo tempo...

Se me queres ben

Se algo enxergas

De min

Devólveme o intre

No que aquela vida

Ameazada

Por baixo do teu silencio

Ollou os meus ollos

Berrou o meu nome

Sen sabelo

Río Lor

Víbora nova

Toba e Eiroa

Pai e Nai

Do meu Amor