Soliloquios

Autodeterminismo

 05:05  

ARTURO LEZCANO Pasan os séculos e néganse a aprender a canción. Refírome, pois, aos mandatarios porque boa parte dos mandantes nin saben nin teñen vontade de chegaren a saber.

Arredor dun millón de cataláns saíron ao sen gaiolantes carrers de Barcelona, co gallo da última Diada, para berrar o seu dereito á autodeterminación, o rexeitamento a non recoñeceren máis determinismo que o propio. Non sinónimo de independencia, mais de autogoberno.

É independentista a inmensa maioría dos manifestantes? De ningún xeito.

No infausto reinado do Felipe IV dos Austrias españolizados, o 11 de xuño do 1640, día do Corpus, els segadors do himno catalán opuxéronse a seren por máis tempo carne de cañón da cobiza insaciábel do conde-duque de Olivares. Revoltáronse e ata xogaron coa ameaza de escoller a Francia. Non foi unha boa idea cando o Rei perdera o Portugal herdado por Felipe II (Filipe I).

A comezos do XVIII Felipe V, o Borbón francés neto de Luís XIV, le roisoleil, descargou o decreto de Nueva Planta, esmagando as liberdades de Catalunya e provocando a morte, no 1714, do último conseller, Rafael Casanova, en cuxa memoria se celebra a Diada.

Xa no XXI, nun das súas sarcásticas análises Esperanza Aguirre, sorprendentemente dimisioneria, recorda que o Estado das Autonomías naceu para resolver as cuestións catalá e vasca. De seguro. Mais esquécese de propugnar unha estructura federal do Estado. Dío ela, sátrapa da Comunidade Autónoma de Madrid, onde está a sede da TVE que fixo o ridículo ao relegar a "interiores" o notición da Diada 2012. Será a pública algún día a televisión de todos, independente do Goberno de turno?

O Parti Quebecois atinxiu a independencia francófona do Canadá? E os nacionalistas escoceses?

Mentres non acepten con naturalidade un referéndum en Catalunya -e mais en Euskadi, desde logo- a España só terá de euro a moeda, se non a perde.

  HEMEROTECA

Sigue las noticias de A Coruña en:

FacebookTuentiYoutubeTwittertwitter deprotesFlickr Google plus
CONÓZCANOS: CONTACTO | LA OPINIÓN A CORUÑA | LOCALIZACIÓN | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de laopinióncoruña.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
Adaptado a la Ley de Protección de Datos por
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Faro de Vigo | Información | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya