Se o autor non tivese diluído bile e veleno na tinta con que escribiu, no seu tempo, esta obra, probablemente tería resultado un relato agradable e veraz da vida escolar nun colexio de xesuítas. Pero sendo difícil conseguir rápida notoriedade polo sinxelo camiño da pura obra de arte creu máis acertado recorrer ó escándalo e o desfasado sectarismo e inventou ó escándalo de que trata a obra e ó lego estuprador Aurrecoechea, a pedagoxía de libelo anticlerical, o sádico ideador de castigos despiadados, Padre Mur, o feroz padre Avellaneda que se aterra das primeiras manifestacións eróticas dun rapaz de quince anos e está a punto de negarlle a absolución, ó libidinoso irmán enfermeiro Echevarría, as convulsións e desmaios dos rapaces aterrados polos exercicios espirituais e... outras varias cousas que nunca vimos nin coñecimos a maior parte dos que temos estudado cos xesuítas.

Se o que contan autores, como Pérez de Ayala e algún máis fose certo, ¿que concepto merecerían os numerosísimos ex discípulos de xesuítas, que levan ós seus fillos e ata ós seus netos a se educar naqueles?... Cervantes, que, segundo varios críticos e biógrafos frecuentou as aulas da Compañía, escribe, referíndose a elas, no Coloquio de los perros, e poñéndolle en boca de Berganza: "No sé qué tiene la virtud, que, con alcanzárseme a mi tampoco o nada della, luego recibí gusto de ver el amor, el término, la solicitud y la industria con que aquellos benditos padres y maestros enseñaban a aquellos niños enderezando las tiernas varas de su juventud porque no torciesen ni tomasen mal siniestro en el camino de la virtud que, juntamente con las letras, les mostraban. Consideraba cómo los reñían con suavidad, los castigaban con misericordia, os animaban con ejemplos, los iniciaban con premios y, finalmente les pintaban la fealdad y horror de los vicios y les dibujaban la hermosura de las virtudes para que, aborrecidos ellos y amadas ellas, consiguiesen el fin para que fueron criados". "Moi ben dis Berganza; porque eu escoitei desa bendita xente que para publicar do mundo non os hai tan prudentes en todo el, e para guiadores e adalides do camiño do ceo, poucos lles chegan. Son espellos onde se mira a honestidade, a católica doutrina, a singular prudencia e, finalmente, a humildade profunda, base sobre quen se levanta todo o edificio da benaventuranza".

Inda que quizais se excede algo nos ditirambos, máis próximo á verdade se topa Cervantes que Pérez de Ayala; e aínda tamén máis certeiro analista que este é Mirbeau, pois, deixando a un lado as impudicias de relato pornográfico que manchan case todas as súas páxinas, dedica gran atención a unha máis real dos tormentos que se sofren nos colexios de xesuítas... e en todos os colexios, ante a neglixente indiferenza dos educadores; e refírome as mortificacións a que se ven sometidos algúns rapaces pola innata maldade e crueldade humanas, que se revelan nos compañeiros que cren sobresaír nalgúns aspectos -principalmente no social- e que se abusan cos tímidos e apocados.

Só teño que engadir, como recordatorio do argumento de A. M. D. G. que o delicado e sensible Alberto Díaz de Guzmán (Bertuco) y el comelón Coste son os dous rapaces que máis figuran no relato; e que os padres Aróstegui (reitor).

Preguntaranse porqué este título: Dentro de pouco celebraranse os cincuenta anos da fundación do colexio Santa María do Mar, o que quixemos dedicar este artigo e descargo daquela obra de Ramón Pérez de Ayala que nacera no 1881.

A. M. D. G., a súa tradución: Ad majorem Dei gloriam: "Para maior gloria de Deus".