A Deputación de A Coruña acorda ´conxelar´ as taxas dos servizos provinciais para 2010

Aprobáronse 10 millóns de euros para cooperar cos concellos ante a actual situación de crise económica. Ademais aprobáronse diversas actuacións de mellora da rede viaria da provincia

AGENCIAS A Corporación provincial da Deputación de A Coruña aprobou hoxe, no transcurso dunha sesión plenaria, "conxelar" as taxas e prezos públicos dos servizos provinciais para 2010, ademais de investimentos nos concellos da provincia por importe de cinco millóns de euros. Ambos os dous puntos contaron co apoio dos tres grupos políticos, que ratificaron por unanimidade os 34 asuntos incluídos na orde do día do pleno.

Ao inicio da sesión, tomou posesión da súa acta de deputado o alcalde de Fisterra, José Manuel Traba Fernández, adscrito ao Grupo Popular, que substitúe a súa compañeira de partido Carmen Borbujo Martínez, o traballo da cal na Corporación foi recoñecido publicamente polo presidente provincial. Así mesmo, Moreda expresou as condolencias da Corporación provincial polo falecemento da Condesa de Fenosa.

Os investimentos aprobados hoxe corresponden principalmente a accións previstas polos concellos de Betanzos, Carballo, Cedeira, Cerceda, Cesuras, Coirós, Fene, Irixoa, Laxe, Miño, Moeche, Monfero, Mugardos, Muros, Negreira, Oroso, Outes, Paderne, Rois, Santa Comba, Trazo, Vilasantar e Cariño.

Os proxectos inclúense dentro dun dos plans aprobados pola Corporación provincial, por importe de 10 millóns de euros, para cooperar cos concellos ante a actual situación de crise económica. Ademais aprobáronse diversas actuacións de mellora da rede viaria da provincia.