A Policía Nacional detén a un mozo por simular que lle roubaran o móbil

Manifestou que o que denunciara non era certo, que se lle ocorreu facelo para poder cobrar o seguro do teléfono, xa que era un aparato caro, pero que en realidade o extraviara

REDACCIÓN Axentes do Corpo Nacional de Policía detiveron a un mozo de 19 anos, con iniciais G.A.M.M., natural de Bogotá (Colombia), como autor dun delito de simulación de delito ao denunciar falsamente o roubo do seu teléfono móbil.

Segundo informou hoxe a Xefatura Superior de Policía en Galicia, o mozo denunciou que o pasado 25 de outubro pola noite mentres camiñaba falando co teléfono móbil foi sorprendido por un individuo que llo arrebatou e saíu correndo con el.

Pouco despois a Policía chamou a G.A.M.M. para que dese máis datos sobre o individuo en cuestión e así poder seguir con xestiónela para recuperar o seu móbil e deter ao autor.

Nese momento, manifestou que o que denunciara non era certo, que se lle ocorreu facelo para poder cobrar o seguro do teléfono, xa que era un aparato caro, pero que en realidade o extraviara.

O mozo foi detido entón por denunciar falsamente un delito. Non tiña antecedentes policiais, polo que foi posto en liberdade á espera do xuízo.