Eliseo Parra edita ´Diez´, unha viaxe polo folclore peninsular

O. L. | A CORUÑA Pasaron dez anos dende que Eliseo Parra presentou o seu álbum Tribus Hispanas e esta nova obra é como unha segunda parte na que o artista volve mergullarse no folclore peninsular para retratar musicalmente aos pobos por medio das pezas escollidas para a ocasión. O novo traballo leva por título Diez.

Entre os temas interpretados aparece a galega Porque non hey (sic) de cantare, un tema co que Parra abriu os concertos de presentación desta nova obra. El realiza a seguinte valoración da peza. "Considero que é unha canción melancolicamente bela, tal como a saudade".

A instrumentación do disco é ampla porque o cantante se rodeou dunha banda composta por seis músicos que acompañan á súa voz.

Temas de León, Segovia, Aragón, Murcia, Madrid, Malaga, Zamora, Salamanca, Mallorca e unha composición do autor, realizada nos anos setenta, titulada El silenci d´estimar conforman o repertorio elixido por Parra para volver realizar unha viaxe musical polo folclore.