María Barcala - Unha das fundadoras de Teatro do Atlántico

"Todo o que se logrou durante anos, de súpeto caeu e volvemos estar a niveis de contratación de hai catro décadas"

27.03.2016 | 03:58
María Barcala e Xulio Lago, fundadores de Teatro do Atlántico

"É unha alegría ter estes nomeamentos, aínda que expectativas eu procuro non ter ningunha porque despois isto é unha carambola. Son da opinión de que realmente este é un mundo moi vocacional, moi esforzado, así que o premio vai caer ben caia onde caia. A satisfacción xa é ter un traballo, un espectáculo, que logra chegar a esta final". Así resume María Barcala, a cofundadora xunto con Xúlio Lago da compañía coruñesa Teatro do Atlántico, o seu nomeamento a oito das 14 categorías dos próximos Premios María Casares pola obra
O Principio de Arquímedes.
A actriz asegura que a peza teatral „na que se trata uns supostos abusos a menores„ "non foi fácil" pero que cando leron o texto lles pareceu moi interesante "pola forma na que o autor trata o tema, xa que nos expón como ás veces xulgamos un todo co coñecemento só dunha parte dos feitos; fai que o espectador se diga ´ui, adianteime no meu xuízo de valores", comenta.
En Teatro do Atlántico entenden o xénero como "algo fundamental nunha sociedade desenvolvida, porque funciona para o debate e o pensamento", e non como unha mera estrutura de ocio; "nos gusta o teatro que diga algo, que faga pensar, reflexionar e que provoque emocións".Pero non sempre é fácil chegar ao público xa que son moitos os obstáculos cos que se leva atopado a compañía de Culleredo nos seus 30 anos de vida. "Require moito esforzo e moitas ganas, pero é a nosa vida", sinala Barcala. Comprometida coa súa profesión e co país en xeral, a actriz comenta que sempre quixo axudar a"poñer os cimentos dun Teatro Nacional Galego"e por iso espera que algún día chegue a existir. "Realmente ás veces unha ten ganas de parar e apuntarse ao paro pero ao final decides seguir tirando disto; loitar polo futuro", destaca a cofundadora de Teatro do Atlántico.
Falta de contratación, rebaixas dos cachés, desinterese por parte das administracións... son algúns dos cambios que os actores e actrices galegos están a percibir dende hai oito anos."Levo máis de 40 anos en total nisto e vin como se chegaba a un punto interesante en canto ao nivel artístico, de proxección nos medios e ao de produción dos espectáculos. Pero tamén vin que todo ese tecido que permitía un mínimo de estabilidade, de súpeto, por unha serie de circunstancias que atinxen a todo o país, caeu e volvemos a estar a niveis de contratación de moitos anos atrás. E iso é terrible", destaca María. Retroceso que tamén se palpa á hora de querer facer espectáculos en galego, xa que "dende os propios administradores públicos se da como solución á falla de mercado laboral en Galicia facer a versión en castelán, como se tiña que facer hai 40 anos para poder sacalas fóra; pensei que esa etapa estaba superada".
Para que siga sendo posible dedicarse ao teatro en Galicia, a actriz reclama que "se siga tendo en conta o interese do sector como un ben desta sociedade" e que"os administradores públicos dos diñeiros que recadan de todos sigan mantendo o diñeiro que había para isto, que non se vaia para outros lados, porque hai que pelexar polos presupostos do sector". A vontade dos gobernantes de querer axudar é fundamental para un sector tan "castigado". "A cantidade de edificios teatrais que se crearon en Galicia é impresionante pero un teatro baleiro é un absurdo, polo que non ten que ser só investir no edificio, senón tratar de enchelos de contido", sinala.

Compartir en Twitter
Compartir en Facebook

Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine