Os méritos de Amancio Prada fano gañador do premio Andaina Senlleira

16.04.2016 | 00:57

Na súa novena edición o galardón Andaina Senlleira recaeu no músico berciano Amancio Prada. O cantante sempre tivo unha ligazón forte con Galicia e os seus discos Rosalía de Castro (1975) e Caravel de caraveles(1976) son obras fundamentais na historia da nosa música. Prada nunca perdeu ese referente galaico e ao longo da súa discografía volveu incidir en traballos como Lelia Doura (1980), dedicado aos primeiros trobadores galego-portugueses, A dama e o cabaleiro (1987), con textos de Álvaro Cunqueiro ou De mar e Terra (1999).

A figura de Rosalía de Castro sempre está presente na súa creación musical, como se comproba coa edición de Rosas a Rosalía, (1997), coa participación da Orquestra Real Filharmonía, Rosalía siempre (2005) e Resonancias de Rosalía (2014), traballo onde se recollen todas as cancións que realizou sobre poemas da escritora, unha presencia transcendental na súa andaina. O artista subliña que coñeceu a súa obra cando tiña dezasete anos e estudaba en Valladolid. "Sentín por primeira vez o apego á terra, a nostalxia do aire e o campo do meu Bierzo natal. A través dos seus versos volvía a respirar os airiños, aires... E foi aquela emoción a que me levou ao canto. Case sen decatarme comecei a ouvir dentro de min a música daqueles versos e a cantalos. Era como abrir o peito e desafogarme", manifesta Amancio Prada na súa páxina web.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


Enlaces recomendados: Premios Cine