Manuel Esteban
Premio Xerais de Novela

"Quería contar a hipocresía da sociedade cos discapacitados"

05.06.2016 | 03:29

"Non son escritor. Esta é a primeira cousa que escribo e xurdiu a raíz do nacemento do meu fillo maior con síndrome de Down. Para nós, foi un impacto. De entrada, todo o mundo dicía que ía ser un problema, pero nas primeiras semanas e meses decátaste de que o problema non está no neno senón na sociedade que ten que deixar encaixar a todas as persoas con discapacidade. Nesa sensación de impotencia, foise enchendo de pus, de moita carraxe e de moita anguria a tripa. A escrita era unha forma de sacar iso fóra e de sanar feridas. Comunicar é unha forma de sanar". Deste xeito tan emocional e visceral, explicaba onte o médico Manuel Esteban Domínguez o que lle motivou a escribir A ira dos mansos.
"Quería contar cousas concretas, como a sociedade acolle as persoas con diversidad funcional ou discapacidade intelectual desde a hipocresía, desde proposicións morais que me parecían inxustas", sinalou o gañador do premio Xerais de novela, quen engadiu: "Para poder facer un bo contraste, amosar eses recovecos morais, non me resultaba útil contar unha historia costumbrista. Relatar unha novela negra serviu para resaltar o contraste da cuestión moral e social".

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


Enlaces recomendados: Premios Cine