Premios Proxecta 2016 para centros innovadores

28.06.2016 | 01:03

A Consellería de Cultura, Educación e Ordenación Universitaria acaba de distinguir a oito centros das catro provincias galegas co Premio Proxecta de Innovación Educativa 2016, un recoñecemento que busca consolidar e visibilizar a metodoloxía de traballo por proxectos que poñen en marcha os centros públicos participantes nos distintos programas do Plan Proxecta. A esta primeira convocatoria presentáronse 49 centros: 15 da Coruña, cinco de Lugo, tres de Ourense e 26 de Pontevedra.

Para as dúas categorías premiadas establecéronse catro premios -un primeiro, un segundo e dous terceiros-, e tamén se concederon dous accésit. O primeiro premio ten unha dotación de 6.000 euros, o segundo de 4.000 e os dous terceiros, de 2.000 cada un, o que supón unha inversión total de 28.000 euros por parte da Consellería. Na categoría A, o primeiro premio foi para o CEIP de Arzúa, o segundo recaeu no CEIP Plurilingüe Nº1 de Tui e os dous terceiros para o CEIP Plurilingüe de Frións de Ribeira e para o CEIP Plurilingüe San Marcos de Abegondo. Ademais, tamén se concederon dous accésit para o CEIP Barrié de la Maza de Santa Comba e para o CEIP de Rubiáns de Vilagarcía de Arousa. Na modalidade B, o IES Francisco Daviña Rey de Monforte conseguiu o primeiro premio e o segundo foi para o CPI Aurelio Marcelino Rey García de Cuntis. O IES Manuel Chamoso Lamas do Carballiño e o IES Plurilingüe Fontexería de Muros levaron os dous terceiros. Os accésit foron para o CPI de San Vicente de A Baña e para o IES de Meaño.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


Enlaces recomendados: Premios Cine