A extensa produción intelectual da escritora Emilia Pardo Bazán inclúe decenas de novelas, centos de contos e milleiros de artigos xornalísticos, mais tamén poesía, teatro ou ensaio. Co obxectivo de profundar no coñecemento deste legado e da figura da autora a través de investigacións orixinais, naceu en 2003 La Tribuna. Cadernos de estudo da Casa Museo Emilia Pardo Bazán. Os traballos duns noventa colaboradores editados desde entón están a partir de agora dispoñibles en aberto na nova páxina web da revista, http://revistalatribuna.gal/.
