O equipo do 'ZigZag Diario' achégase á mostra 'Sorolla íntimo'

'A Revista' estará en directo en Ourense con Roberto Verino, que presenta a súa primeira liña de carriños para bebés

29.11.2016 | 01:06
Manuel Mosquera sinala un dos bocetos da mostra ´Sorolla íntimo´.

O espazo cultural ZigZag Diario entrevistará hoxe na TVG 2 a Manuel Mosquera, do Museo de Belas Artes da Coruña, no que se exhibe Sorolla íntimo. A mostra recolle 32 bosquexos que Joaquín Sorolla creou para a exposición Visión de España, que realizou en Nova York en 1919. Ademais, o programa tamén lle dedicará unha reportaxe a Expansión ensaio sobre Berta Cáccamo. Esta mostra fai un percorrido pola súa obra pictórica e encóntrase no Centro Galego de Arte Contemporáneo de Compostela.

O ZigZag Diario tamén lle dedicará un pequeno espazo ao Outono Fotográfico, o festival de fotografía que se está a desenvolver en Ourense. Neste caso, coñecerá a obra de Tonho Ferreiro e Rubén Vilanova, A man verde, que está exposta no centro Marcos Valcárcel da cidade.

Por outra banda, A Revista estará en directo en Ourense co deseñador Roberto Verino, que acaba de crear a súa primeira liña de carros de bebé. O modisto dá os seus primeiros pasos no sector da puericultura, con dous coches da liña Shom by Roberto Verino, unha cadeira de paseo con capazo e outra de paseo ultra lixeira. A marca saca estes produtos en colaboración con Baby Essentials, un referente no eido.

O espazo diario tamén irá a Vilagarcía de Arousa, onde a Fundación Amigos de Galicia, asociación que axuda ás persoas con limitacións económicas e sociais, envolverá uns 3.000 regalos de Nadal para nenos e nenas de familias con poucos recursos.

A presentadora Laura Peña entrevistará a Ignacio Villar, director do filme galego Sicixia, que se estreou a fin de semana pasada. A película, protagonizada por Monti Castiñeira e Arantza Villar e que contou co apoio da canle pública, narra a historia de amor entre unha rapaza da Costa da Morte e un técnico que se achega alí para gravar sons.

Tamén estará no programa a colaboradora habitual e especialista en moda Edith López, que falará de dúas pasarelas, a Runway Galicia e a Debut 2016. Ambas amosan a futura moda galega deseñada por novos talentos.

'Larpeiros'

O equipo do programa Larpeiros recibe esta semana unha moi agradable visita: a de Cíes, sobriña e afillada de Leni. E como na mesa hai unha nena, o tema de conversa centrarase arredor dos xogos.

Ao almirante dos larpeiros, don Benigno, falar de xogos espértalle a imaxinación e propón facer un xantar que os leve directos á infancia: guiso de xarrete con cervexa negra, un prato clásico e con personalidade, que tamén se pode facer con cervexa rubia.

Compartir en Twitter
Compartir en Facebook
selectividad 2017 A Coruña

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine