A TVG e a Radio Galega céntranse hoxe na cobertura da crise catalana

Realizarán un seguimento do que aconteza no Parlament e achegarán un especial, desde as 20.00 horas, coa análise da situación política actual

10.10.2017 | 02:09
O presidente da Generalitat catalana, Carles Puigdemont.

Os medios públicos galegos ofrecerán hoxe especiais informativos para dar conta da situación política de Cataluña. Tanto a Televisión de Galicia (TVG) como a Radio Galega realizarán un seguimento especial ao longo de toda a tarde para ofrecer ao momento cumprida información sobre o que estea a pasar en Barcelona.

A cobertura especial comezará ás 18.00 horas, coa emisión na TVG dun Adianto Informativo, presentado por Beatriz Moyano, con dous puntos de directo en Barcelona e Bruxelas, para dar conta da última hora.

A partir das 20.00 horas, Marta Darriba e Alfonso Hermida ofrecerán un Especial Informativo, cunha duración próxima ás dúas horas, con datos, análise e entrevistas a expertos sobre a actualidade informativa de Cataluña. Neste especial, haberá tres puntos de directo, en Barcelona, Madrid e Bruxelas, para seguir ao minuto todas as reaccións que se vaian producindo. No estudio de gravación, na mesa de análise contarase coa participación dos xornalistas José Luís Jiménez e José Luís Gómez, do catedrático Roberto Blanco Valdés e da politóloga e socióloga Ana Luísa Bouza. O profesor e politólogo Xosé L. Barreiro e a profesora de Economía María Cadaval achegarán a vertente política e económica arredor do procés.

Coa ollada posta en Cataluña, este informativo ofrecerá tamén un resumo con outros temas destacados da xornada, presentados por Beatriz Moyano. En caso de que a actualidade así o requira, os Servizos Informativos da TVG estenderán o tempo do especial e seguirán informando en directo.

A Radio Galega tamén estará moi pendente de Cataluña, desde as 18.00 horas, no tempo do magacín A Tarde, que presenta Cristina García. A partir das 20.00 horas, Luis Ojea e Silvia Pereira realizarán un programa especial para ofrecer polo miúdo o que acontece na comunidade catalá, así como unha análise informativa dos feitos coa intervención de variados expertos en política e economía.

Compartir en Twitter
Compartir en Facebook

Lotería del Niño 2017

Comprobar Lotería del Niño

Toda la información de la Lotería del Niño. Comprueba los números premiados con nuestro widget de la Lotería del Niño.

 
Widget Lotería del Niño

Llévate a tu web, a tu escritorio o a tu iGoogle los resultados de lotería de Navidad y de la lotería del niño. Descárgatelo

 
Enlaces recomendados: Premios Cine